Fundacion Muchila Creativo ta ofrece e siguiente cursonan:

20170527_193436  20170527_193420

                                            DSCN6541 

Produccion di teatro

Bo ta gusta canta, baila y actua pero bo kier un tiki mas cu solamente les?  Den nos tayer bo ta siña e base di actuacion. Improvisacion, canto y diferente forma di baile lo wordo ofrese den e tayer. Ademas nos ta traha hunto na un produccion: bo ta siña con pa traha un presentacion di teatro.

Como participante bo ta haya un ora y mei pa siman tayer. Bo ta siña teatro, baile y canto. Den un palabra, tur tres disciplina di arte ta wordo ofrese.   Ademas bo ta siña texto y por traha diseño, of lus. Tur persona ta traha hunto na e meta final. Segun e presentacion final aserca tur e disciplinanan di arte ta bay hunto.

  • Tin un produccion di teatro pa mucha di 8 pa 12 aña.
  • Y un produccion di teatro pa hoben y adulto 16 aña pariba.
  • Ta rekeri un maximo di 15 participante pa e tayer di produccion di teatro por cuminsa.

Crea musica y canta ta inspirante

Bo ta gusta musica y canta? Den e curso aki bo ta siña toca un instrumento na un manera special y creativo. Bo ta canta, y toca riba diferente instrumento y na final bo ta toca den un ensemble. E meta di e curso ta pa siña na varios manera con pa expresa bo mes pa medio di musica.

Curso: den grupo (max 6 persona)  1 biaha pa siman 45 minuto.

Edad: mucha di 6 aña pariba.

Duracion: E curso lo dura 12 siman.

Artbox

Bo kier pinta of verf?  Bo kier siña pinta na diferente manera? Bo kier explora cu otro materialnan? Bin na e atelier di Artbox di Muchila Creativo.  Bo ta explora y siña tecnica pa por crea bo propio pintura, dibujo of desaroya bo propio artefacto.  Artbox ta traha cu mucha, hoben y adulto.

Curso: den grupo ( max 8 persona)   1 biaha pa siman un ora y mei.

Edad: desde 8 aña pariba.

Duracion: E curso lo dura 12 siman.

Muchila tambe ta ofrece tayer di music box y musicals pa scolnan y un tayer di teambuilding pa docentenan y companianan.

Terapia di Arte Creativo

Ademas Muchila Creativo ta ofrece terapia di arte creativo pa medio di musica, teatro, contamento di storia, popchi, multimedia, poesia, arte visual y movecion na un forma integra, pa rehabitacion y educacion pa realisa metanan individual of den grupo dor di personanan specialisa. Terapia di arte ta un idioma di comunicacion entre e terapista y e cliente.

Si bo ta interesa den un di e cursonan of bo tin pregunta, bo por manda un email na muchilacreativo@gmail.com  of manda un whatsapp na 5925515 of 5924343.

No perde e oportunidad aki, cupo ta limita!

You may also like...